Þarfagreiningar

Fræðslustjóri að láni

SÍMEY býður upp á Fræðslustjóra að láni í samvinnu við starfsmenntasjóði. Verkefnið byggist á að lána ráðgjafa til fyrirtækja, sérhæfðum í vinnustaðafræðslu og óformlegri menntun. Ráðgjafinn fer yfir fræðslu- og þjálfunarmál fyrirtækisins, dregur fram það sem vel er gert og gerir í framhaldinu greiningu á þörfum fyrirtækisins.

Hægt er að sækja um styrk að fullu fyrir verkefninu og starfsfólk SÍMEY getur aðstoðað við umsóknina. 

Markviss þarfagreining

SÍMEY hefur mikla reynslu í gerð þarfagreininga fyrir bæði lítil og stór fyrirtæki. Stuðst er við þarfagreininguna Markviss sem er greiningaraðferð til að vinna að starfsmannaþróun í fyrirtækjum og stofnunum. Greiningin er unnin í samstarfi við stjórnendur og starfsmenn sem gefst kostur á að meta þekkingar- og færniþörf innan fyrirtækisins og skipuleggja uppbyggingu og fræðslu í samræmi við matið. 

Ávinningur fyrir fyrirtæki/stofnanir er m.a.:

• Fræðsluáætlun til nokkurra ára
• Virkari sí – og endurmenntun
• Heildarsýn yfir hæfni starfsfólks
• Opnar fyrir samskipti stjórnenda og annars starfsfólks
• Öflugra starfsfólk
• Getur verið aðferð til að leysa vandamál

 Ávinningur fyrir starfsfólk:

• Fræðsla og þjálfun sniðin að þörfum hópsins
• Aukin meðvitund um eigin styrkleika og veikleika
• Aukin hæfni á vinnustaðnum
• Aukið samstarf og bætt samskipti innan fyrirtækisins
• Áhugaverðara vinnuumhverfi

Frekari upplýsingar varðandi þarfagreiningar gefur:
Ingunn Helga, s.4605720 og ingunn@simey.is