Heimagerðir ferskostar - Ricotta og Halloumi

Ferskostar eru eitthvað sem auðvelt er að gera í eldhúsinu heima hjá sér. Ferskostar er tegund af ostum sem þurfa ekki langan tíma til að verkast og því gaman að búa til sinn eigin ost. 

Á námskeiðinu munu þátttakendur gera sína eigin útfærslu á þekktum ferskostum, Ricotta og Halloumi sem eru mjög ólíkir ostar. Ricotta er ferskostur sem er léttur í sér og notaður t.d. á pizzuna, salatið og brauðið svo eitthvað sé nefnt. Halloumi er frekar þéttur í sér og er því skemmtilegur á grillið.  

Þátttakendur taka með sér afrakstur námskeiðsins heim 

Leiðbeinandi: Þórhildur Jónsdóttir, matreiðslumeistari. 

Lengd: 4 klst 

Námskeiðin eru öllum opin og minnum við aðila í öðrum stéttarfélögum að kanna rétt sinn hjá sínu félagi.

Vinsamlega athugið að námsgjöld eru óafturkræf eftir að frestur til að segja sig frá námi rennur út. Berist umsókn til okkar innan tveggja sólarhringa áður en námskeið hefst verður námskeiðsgjaldið gjaldfært strax og námsgjöld þar af leiðandi óafturkræf.Frestur til úrsagnar úr námskeiðinu er allt að 48 klukkustundum áður en námskeiðið hefst.  Hafi skrifleg úrsögn ekki borist fyrir þann tíma, verða námsgjöld innheimt að fullu (sjá greiðsluskilmála SÍMEY) Ef þú vilt hætta við umsókn og koma í veg fyrir að námsgjöld verði innheimt, smelltu þá hér áður en fresturinn rennur út, fylltu út formið og sendu til okkar.