Íbúðalán

Flokkur: Fyrirtækjaskólar

Athugið þetta námskeið er haldið sameiginlega með stéttarfélögum á svæðinu og því verða ekki eingöngu starfsmenn HSN á námskeiðinu.

Það borgar sig að vanda til verka þegar við ráðumst í okkar stærstu fjárhagslegu ákvarðanir. Hjá mörgum getur íbúðalánið haft afgerandi áhrif á fjármál heimilisins en erfitt getur reynst að átta sig á hvað hentar best á hverjum tíma. Á námskeiðinu verður rætt um allt það helsta sem tengist íbúðalánum almennt og aðstæðum í dag.

Meðal þeirra spurninga sem svarað verður eru:

• Hver er munurinn á verðtryggðu og óverðtryggðu láni og hvort hentar betur?

• Er betra að festa vexti eða taka lán á breytilegum vöxtum?

• Hvenær og hvernig endurfjármagna ég lánið mitt?

• Hvað kemur til með að hafa áhrif á lánið til framtíðar?

• Hvernig get ég fylgst með helstu áhrifaþáttum og gripið inn í þegar tilefni er til?

Fyrir hverja er námskeiðið?

Námskeiðið hentar fólki á öllum aldri, sem hyggur á íbúðakaup eða hefur þegar tekið íbúðalán.

Ávinningur þátttakenda:

Þátttakendur verða betur í stakk búnir til að taka upplýstar ákvarðanir um hvers kyns lán hentar þeim best á hverjum tíma.

Leiðbeinandi: Björn Berg Gunnarsson hefur 16 ára reynslu af ráðgjöf og fyrirlestrahaldi um fjármál. Hann starfaði lengi sem ráðgjafi á verðbréfa- og lífeyrissviði Íslandsbanka, var fræðslustjóri bankans í yfir áratug og stýrði greiningardeild hans. Hann hefur BS próf í viðskiptafræði, próf í verðbréfaviðskiptum og meistaragráðu í alþjóðaviðskiptum og markaðsfræði. Björn er reglulegur álitsgjafi um fjármál í fjölmiðlum, pistlahöfundur og er höfundur bókarinnar Peningar.

Frekari upplýsingar varðandi námskeið HSN gefa:

Kristín Björk - 460-5724 - netfang: kristin@simey.is

Ingunn Helga - 460-5727 - netfang: ingunn@simey.is