Leikskólaliða- og stuðningsfulltrúabrú

Flokkur: Lengra nám

Nám í stuðningsfulltrúa- og leikskólaliðabrú er fyrir ófaglærða starfsmenn í leik- og grunnskólum. 

Námið er samtals 66 einingar sem kenndar eru á fjórum önnum. Nemendur útskrifast sem leikskólaliðar og/eða stuðningsfulltrúar að námi loknu.

Forkröfur í námið eru að nemendur hafi náð 22ja ára aldri, hafi 3ja ára starfsreynslu við uppeldi og umönnun barna í leik- og grunnskólum og hafi lokið 230 kennslustunda starfstengdum námskeiðum. Þátttakendum er boðið upp á raunfærnimat í upphafi náms, sem getur þá komið til styttingar á náminu.

Fyrirkomulag náms: Námið er byggt þannig að hver áfangi er kenndur í fimm vikur í senn á netinu í vendikennslu. Kennsla hvers áfanga hefst öllu jafna á laugardegi kl 10 og mikilvægt er að mæta (á netinu) í fyrsta tíma hvers áfanga til að fá allar upplýsingar frá kennara.

Námsmenn hafa aðgengi að kennara einu sinni í viku í hverjum áfanga á milli kl. 17:00 - 20:00 í gegnum netið. Þar geta nemendur fengið aðstoð og leiðsögn frá kennara. Þar fyrir utan er nemendum frjálst að nýta sér aðstöðuna í SÍMEY og hafa þar aðgengi að námsráðgjafa og verkefnastjóra.

Námsmat: Námsárangur er metinn með símati, þ.e. nemandi skilar inn verkefnum sem metin eru til einkunna og er einkunn gefin í tölustöfum. Hægt er að fá hluta áfanga metna í gegnum raunfærnimat og biðjum við þá sem þess óska að hafa samband við umsjónarmenn námsins, Helenu (helena@simey.is) eða Önnu Maríu (annamaria@simey.is).

Fög kennd á haustönn 2025 (birt með fyrirvara um breytingar):

• Hegðun og atferlismótun - Hefst 6. september kl 10. Aðgengi að kennara á miðvikudögum kl. 17:00 - 20:00 frá 10. september til og með 8. október.
• Upplýsingatækni - Hefst 13. september kl 10. Aðgengi að kennara á mánudögum kl. 17:00 - 20:00 frá 15. september til og með 13. október.
• Uppeldisfræði 2 - Hefst 18. október kl 10. Aðgengi að kennara á mánudögum kl. 17:00 - 20:00 frá 20. október til og með 17. nóvember.

Verð: 47.000,- hver önn (með fyrirvara um breytingu á verðskrá fræðslusjóðs).

Vinsamlega athugið að námsgjöld eru óafturkræf eftir að frestur til að segja sig frá námi rennur út.

Frestur til úrsagnar úr lengri námsleiðum er 14 dagar frá skráningu. Sjá greiðsluskilmála.

Ef þú vilt hætta við umsókn og koma í veg fyrir að námsgjöld verði innheimt, smelltu þá hér áður en 14 daga fresturinn rennur út, fylltu út formið og sendu til okkar.

Ekki gleyma að kanna möguleikana á styrkjum hjá stéttarfélögum ykkar og fræðslusjóðum !

Hér má sjá brautarlýsingu fyrir stuðningsfulltrúabrú 

Hér má sjá brautarlýsingu fyrir leikskólaliðabrú