Eden hugmyndafræðin- þriggja daga grunnnámskeið

Flokkur: námskeið

Eden Alternative hugmyndafræðin er áhrifarík til að efla sjálfræði og lífsgæði aldraðra sem og þeirra sem koma að umönnun aldraðra. 

Markmiðið með Eden er að þróa menningu og viðhorfi í þjónustu við aldraðra þar sem unnið er gegn einmanaleika, vanmætti og leiða.  Lögð er áhersla á menningu umhverfis sem er eflandi og hlýleg. Með gildum persónumiðaðrar þjónustu og umönnunar verður vellíðan og virðing hún hluti af daglegu lífi fólks, hjá öldruðum, aðstandendum þeirra og starfsfólki.

Markmið námskeiðs er að þátttakandi:

• Þekki Eden hugmyndafræðina og geti nýtt hana í starfi
• Verði faglega færari í starfi og styrkist sem einstaklingur
• Geti eflt sjálfræði og vellíðan aldraðra og fólks á öllum aldri sem þarfnast stuðnings og umönnunar
• Þekki og geti unnið með einmanaleika, vanmáttarkennd og leiða hjá öldruðum og fólki á öllum aldri sem þarfnast stuðnings og umönnunar
• Geri sér grein fyrir mikilvægi stjórnskipulags, leiðtoga og samvinnu til að skapa vellíðan og virðingu hjá öldruðum, aðstandendum og starfsfólki

Á námskeiðinu er fjallað um:

• Þróun og sögu Eden Alternative hugmyndafræðinnar
• Gildi sýn og markmið
• Persónumiðaða umönnun og þjónustu.
• Menningu og viðhorf til aldraðra
• Grunnreglurnar 10
• Einkenni einmannaleika, vanmáttarkenndar og leiða
• Hvernig unnið er með einmanaleika, vanmáttarkennd og leiða
• Vellíðunarlyklana 7 og lífssögu einstaklinga
• Áhrif stjórnskipulags og  breytinga
• Hlutverk leiðtoga og mikilvægi samskipta
• Kynningu á þjónandi leiðsögn og þjónandi forystu
• Framtíðarsýn persónumiðaðrar þjónustu og umönnunar

Námskeiðið fer fram í formi fyrirlestra, einstaklingsvinnu og hópavinnu.

Leiðbeinendur: Rannveig Guðnadóttir hjúkrunarfræðingur og Ingunn Eir Eyjólfsdóttir félagsráðgjafi. 

Fyrirkomulag: Námskeiðið er kennt dagana 22., 23. og 29. september 2020 frá kl. 8.30-15.30 alla dagana. 

Markhópur: Aðilar sem starfa með öldruðu fólki.