Að kaupa sína fyrstu íbúð - vefnámskeið

Flokkur: námskeið

Á námskeiðinu verður rætt um ferlið við kaup á fyrstu fasteign, allt frá sparnaði fyrir útborgun að kaupunum sjálfum. Meðal þess sem litið verður á eru hlutdeildarlán, notkun séreignarsparnaðar í útborgun og íbúðalán.

Meðal þeirra spurninga sem svarað verður eru:  

– Hvernig kemst ég í gegnum greiðslumat?  

– Hvernig spara ég fyrir útborgun?  

– Hvaða lán á ég að taka?  

– Hvernig gengur kaupferlið á íbúðinni fyrir sig?  

– Hvaða kostnaður fylgir kaupunum og lántökunni? 

Fyrir hverja er námskeiðið? 

Námskeiðið hentar öllum þeim sem ekki hafa fest kaup á sinni fyrstu íbúð hér á landi eða vilja aðstoða aðra við það ferli. 

Ávinningur þátttakenda 

Þátttakendur læra á kaupferlið í heild sinni og munu geta reiknað út hvaða kaup eru raunhæf. Færra mun koma á óvart í kaupferlinu og helstu ákvarðanir verða teknar með upplýstari hætti 

Leiðbeinandi: Björn Berg Gunnarsson hefur 16 ára reynslu af ráðgjöf og fyrirlestrahaldi um fjármál. Hann starfaði lengi sem ráðgjafi á verðbréfa- og lífeyrissviði Íslandsbanka, var fræðslustjóri bankans í yfir áratug og stýrði greiningardeild hans.

Hann hefur BS próf í viðskiptafræði, próf í verðbréfaviðskiptum og meistaragráðu í alþjóðaviðskiptum og markaðsfræði.

Björn er reglulegur álitsgjafi um fjármál í fjölmiðlum, pistlahöfundur og er höfundur bókarinnar Peningar.

Athugið að félagsmenn í stéttarfélögunum Eining Iðja, Kjölur og Sameyki sækja námskeiðið sér að kostnaðarlausu. 

Athugið að námskeiðin eru öllum opin og minnum við aðra en félagsmenn þessara félaga á að kanna rétt sinn hjá sínu stéttarfélagi.

Vinsamlega athugið að námsgjöld eru óafturkræf eftir að frestur til að segja sig frá námi rennur út. Berist umsókn til okkar innan tveggja sólarhringa áður en námskeið hefst verður námskeiðsgjaldið gjaldfært strax og námsgjöld þar af leiðandi óafturkræf.

Frestur til úrsagnar úr námskeiðinu er allt að 48 klukkustundum áður en námskeiðið hefst.  

Hafi skrifleg úrsögn ekki borist fyrir þann tíma, verða námsgjöld innheimt að fullu (sjá greiðsluskilmála SÍMEY) 

Ef þú vilt hætta við umsókn og koma í veg fyrir að námsgjöld verði innheimt, smelltu þá hér áður en fresturinn rennur út, fylltu út formið og sendu til okkar.