Tæknilæsi og tölvufærni - vefnám

Flokkur: Velferðarsvið Akureyrarbæjar

Athugið þessi skráning er fyrir starfsfólk Velferðarsviðs Akureyrarbæjar eingöngu.

Námið er í boði fyrir fleiri aðila á svæðinu og því verða ekki eingöngu starfsmenn Velferðarsviðs á námskeiðinu.

Markmið námsins er að styrkja tæknifærni þátttakenda og efla sjálfstraust þeirra til að takast á við breytingar og tækniframfarir í atvinnulífinu.

Að loknu námi hafa þátttakendur aukið sjálfsöryggi og grunnþekkingu sína þegar kemur að tölvum og tækni, sem eflir möguleika þeirra á vinnumarkaði og í daglegu lífi.

Námið samanstendur af fimm aðgengilegum og spennandi áföngum:

• Fjarvinna og fjarnám - hvernig hægt er að vinna og læra að heiman með einföldum verkfærum.
• Sjálfvirkni og gervigreind - læra að nýta sjálfvirkni í daglegu lífi og kynnast hvernig tæknin getur auðveldað leik og störf.
• Skýjalausnir - geymdu gögnin þín á öruggan hátt og lærðu að deila með öðrum.
• Stýrikerfi - fáðu yfirsýn yfir það hvernig tölvur og snjalltæki virka og hvernig þú getur stjórnað þeim betur.
• Tæknilæsi og tölvufærni – grunnatriði sem nýtast í daglegu lífi.

Fyrirkomulag: Námið hefst 24. febrúar og stendur í 10 vikur, kennt í fjarnámi. Fyrsti tími er vinnustofa á netinu þann 24. febrúar kl. 17. Önnur vinnustofa verður í byrjun apríl. Þátttakendur fá tvö stutt myndbönd í hverri viku og skilaverkefni til að æfa sig.

Leiðbeinandi: Snæbjörn Sigurðarson, kennari með yfir 20 ára reynslu af því að kenna tæknifærni á mannamáli.