Fréttir

Horft er til þess að áður en langt um líður, helst haustið 2023, verði unnt að bjóða upp á námslínu í ferðaþjónustu í bæði framhaldsfræðslunni og á framhaldsskólastigi. Að þessu verkefni hefur lengi verið unnið og hefur SÍMEY haldið utan um verkefnið.

Um hundrað manns sóttu sameiginlegan haustfund Kvasis – samtaka fræðslu- og símenntunarmiðstöðva og Fræðslumiðstöðvar atvinnulífsins sem var haldinn í SÍMEY sl. þriðjudag og í gær, 27.-28. september.

Dagana 27. og 28. september nk. verður í húsakynnum SÍMEY á Akureyri haldinn sameiginlegur haustfundur Kvasis – samtaka fræðslu- og símenntunarmiðstöðva og Fræðslumiðstöðvar atvinnulífsins þar sem verður fjallað um fjölmargt áhugavert í framhaldsfræðslunni.

Í þessari viku fékk SÍMEY endurnýjaða viðurkenningu sem fræðsluaðili til næstu þriggja ára.

Þann 15. september sl. efndu Jafnréttisstofa og Samband íslenskra sveitarfélaga til árlegs landsfundar um jafnréttismál sveitarfélaga í Menningarhúsinu Hofi á Akureyri. SÍMEY kom að undirbúningi og framkvæmd fundarins, sem sóttu um 70 manns frá tæplega þrjátíu sveitarfélögum.

Þann 5. september sl. var formleg brautskráning sjö starfsmanna íþróttamannvirkja á Akureyri, Dalvík og í Hrísey úr raunfærnimati.

Á Morgunvaktinni á Rás 1 17. ágúst sl. var viðtal við Valgeir B. Magnússon um starfsemina og hvað sé framundan.

Dagana 20. og 21. júní sl. var vinnustofa í SÍMEY um Evrópska tungumálarammann og innleiðingu hans í íslensku sem öðru máli. Í vinnustofunni tóku þátt fulltrúar flestra símenntunarmiðstöðvanna og Menntamálastofnunar. Verkefnastjórar frá Studieskolen í Kaupmannahöfn stýrðu vinnustofunni.

Þrjátíu og átta nemendur brautskráðust frá SÍMEY 8. júní sl. Brautskráningarnemar voru færri en oft áður enda höfðu fjölmargir nemendahópar lokið námi og útskrifast fyrr á vorönninni, t.d. af íslenskunámskeiðum, vefnámskeiðum og námskeiðum í fyrirtækjaskólum.

Kristín Björk Gunnarsdóttir, verkefnastjóri í SÍMEY, skrifar grein um raunfærnimat í fisktækni sem birtist í vefriti Fræðslumiðstöðvar atvinnulífsins, Gáttinni, í gær.