Fréttir

Í október nk. býður SÍMEY upp á raunfærnimat fyrir starfsfólk íþróttamannvirkja – sundlauga og íþróttahúsa – og hafa starfsmenn SÍMEY haldið kynningarfundi að undanförnu fyrir starfsfólk íþróttamannvirkja á Eyjafjarðarsvæðinu þar sem þessi möguleiki er kynntur.

Núna á haustönn býður SÍMEY upp á tvær námsleiðir fyrir atvinnuleitendur í samstarfi við Vinnumálastofnun. Námsleiðirnar eru annars vegar Stökkpallur og hins vegar Íslensk menning og samfélag og byggja þær báðar á vottuðum námskrám frá Fræðslumiðstöð atvinnulífsins.

Eins og vera ber er starfsemi SÍMEY núna á haustönn komin í fullan gang. Margt verður með líku sniði og undanfarin ár en þó ekki allt. Í þremur námsleiðum - Menntastoðum, Félagsliðabrú og Leikskólaliða- og stuðningsfulltrúabrú - hefur námsfyrirkomulaginu verið breytt töluvert.

Við leggjum mikla áherslu á gott aðgengi að sóttvörnum, að húsnæði okkar sé þrifið og sótthreinsað eins og best verður á kosið.

Símenntunarmiðstöð Eyjafjarðar útskrifaði í dag 63 nemendur af sjö námsleiðum, auk þess sem útskrifaðir voru nemendur úr almennri starfshæfni.

Frá og með deginum í dag, fimmtudeginum 3. júní, er opin í SÍMEY sýning á verkum fimm nemenda í myndlistarnáminu Fræðsla í formi og lit, sem er yfirgripsmikið nám í myndlist.

Núna á vorönn hafa Símenntunarmiðstöð Eyjafjarðar og Farskólinn – miðstöð símenntunar á Norðurlandi vestra sameiginlega staðið fyrir ellefu vefnámskeiðum. Um þrjú hundruð manns sóttu námskeiðin.

Núna á vorönn hefur SÍMEY boðið í fyrsta skipti upp á Íslenska menningu og samfélag, vottaða námsleið Fræðslumiðstöðvar atvinnulífsins fyrir fólk af erlendum uppruna.

Í byrjun maí var Sæplastskólinn svokallaði opnaður en um er að ræða veflægan fræðsluskóla sem starfsmenn Sæplasts á Dalvík hafa aðgang að og geta nálgast margskonar fræðsluefni sem nýtist þeim vel. Sæplastskólinn er afrakastur þróunarverkefnis sem var styrkt af Landsmennt.

Ein af þeim námsleiðum sem SÍMEY bauð upp á núna á vorönn í samstarfi við Vinnumálastofnun var Sterkari starfsmaður, hundrað klukkustunda nám sem byggir á vottaðri námskrá Fræðslumiðstöðvar atvinnulífsins.