Fréttir

Útskrift þátttakenda úr námi hjá miðstöðinni og einnig úr raunfærnimati, verður fimmtudaginn 6.júní kl.17:00

Á árinu 2018 sóttu 4.639 manns námskeið á vegum SÍMEY og auk þess nýttu um 700 manns sér aðra þjónustu í tengslum við náms- og starfsráðgjöf, raunfærnimat o.fl.

SÍMEY í samstarfi við Þekkingarnet Þingeyinga býður núna á vordögum upp á raunfærnimat fyrir fólk sem starfar í matvælagreinum – matsveina og matartækna - en hefur ekki ákveðna formlega menntun á þessu sviði.

Fyrirtækið Saga Travel á Akureyri tekur þátt í tilraunaverkefninu “Fræðsla í ferðaþjónustu” og hefur gert samstarfssamning við Símenntunarmiðstöð Eyjafjarðar og Hæfnisetur ferðaþjónustunnar þess efnis. SÍMEY sér um framkvæmd greininga og fræðslu í samstarfi við Hæfnisetrið.  Starfsmenntastjóðirnir Landsmennt, Starfsafl og Starfsmenntasjóður verslunar- og skrifstofufólks kosta verkefnið undir merkjum Fræðslustjóri að láni og liggur þar fyrir þríhliðasamningur milli SÍMEY, Saga Travel og sjóðanna. Samningurinn tekur strax gildi og er hann til sextán mánuða, til júlí 2020. Samningurinn er víðtækur en rauði þráðurinn í honum er fræðsla fyrir starfsmenn Saga Travel. Myndaður verður stýrihópur innan fyrirtækisins sem mun vinna að verkefninu með Kjartani Sigurðssyni og Emil Bjarkar Björnssyni, verkefnastjórum SÍMEY og Hildi Betty Kristjánsdóttur, starfsmanni Hæfniseturs ferðaþjónustunnar. Meðal þess sem verður unnið í þessu tilraunaverkefni er að setja upp fræðsluáætlun fyrir Saga Travel. Það verður gert í kjölfar vinnu stýrihópsins innan fyrirtækisins og áðurgreindra sem stýra verkefninu fyrir hönd SÍMEY og Hæfnisetursins.

Sandra Sif Ragnarsdóttir er nýr starfsmaður hjá SÍMEY og annast náms- og starfsráðgjöf og ýmis önnur verkefni.

Á morgun, laugardaginn 30. mars, kl. 14:00 verður opnuð sýning í húsakynnum SÍMEY á verkum nemenda í tveimur myndlistarsmiðjum sem lauk í þessari viku.

Sif Jóhannesdóttir hefur verið ráðin verkefnastjóri hjá Símenntunarmiðstöð Eyjafjarðar og vinnur hún auk annarra verkefna að framhaldsfræðslu við utanverðan Eyjafjörð.

Höldur – Bílaleiga Akureyrar er Menntafyrirtæki ársins 2019. Þetta var tilkynnt í dag í Hörpu í Reykjavík á Menntadegi atvinnulífsins.

Það var skemmtileg tilviljun að fjórar samstarfskonur af leikskólanum Krummakoti í Eyjafjarðarsveit, Lina Rimkiene, Iveta Brocová, Katrín Kristjánsdóttir og Erna María Halldórsdóttir, skyldu útskrifast saman úr námi SÍMEY í leikskólaliða- og stuðningsfullrúabrú í desember sl.

Símenntunarmiðstöð Eyjafjarðar hefur gert samninga við starfsmenntunarsjóðina Starfsmennt, Sveitamennt og Ríkismennt um greiðslur fyrir þátttöku fólks í námskeiðum hjá SÍMEY.