Fréttir

Um 30 þátttakendur voru á námskeiðum í íslensku fyrir útlendinga. Síðasta daginn komu allir með eitthvert góðgæti og nuta samvista saman fram á kvöld.

Næstkomandi laugardag, 29. september kl 16 -18, verður fjallað um áhrif óhóflegrar tölvunotkunar á unglinga og börn. Aðgangur ókeypis

Samstarfsverkefni SÍMEY og Fjölsmiðjunnar gekk vel og eitt af verkefnunum var að taka móti nemendum sem stunda nám við skólann Kyrre í Bergen í Noregi

Hópur nemenda útskrifaðist úr sumarnámi hjá SÍMEY 30. ágúst.

Þriðja árið í röð tekur SÍMEY þátt í sí- og endurmenntun annarra starfsmanna grunnskóla Akureyrar með námskeiðinu Að verða hluti af heild. Mikil ánægja hefur verið með þetta námskeið og má segja að það sé orðið hluti af starfsdögum grunnskólanna. Tilgangurinn með námskeiðinu er að efla og hvetja starfsmenn í kröfuhörðum störfum fyrir komandi vetur. Það er von og trú allra sem að þessu verkefni  koma að vel takist til og skili þátttakendum uppbyggilegri fræðslu sem hægt er að nýta í starfi. Um er það ögrandi verkefni fyrir starfsmenn SÍMEY að taka á móti svo kraftmiklum hópi starfsmanna Akureyrarbæjar í sí-og endurmenntun. Í þetta sinn taka 120 starfsmenn þátt í 15 klukkustunda námskeiði þar sem meðal annars er fjallað um ADHD, fíkniefni og einkenni neyslu, lesblindu, þjónustu og líkamlegt og kynferðislegt ofbeldi. Leiðbeinendur á námskeiðunum hafa allir mikla reynslu á sínu sviði. Öllum þátttakendur býðst að sækja viðtal hjá náms- og starfsráðgjafa til að skoða frekari möguleika til sí- og endurmenntunar að námskeiði loknu. Námskeiðið styrkja Mannauðssjóður Kjalar og Sveitamennt  starfsmenntunarsjóður starfsmanna sveitarfélaga á landsbyggðinni.

Nemendur á námskeiðinu Leikfangasmíð afhentu bæjarstjóra Akureyrar, Eiríki Birni Björgvinssyni, listaverkið „Ég kemst“ í tilefni af 150 ára afmæli bæjarins nú í ár. Verkið unnu nemendur í samstarfi við Brynhildi Kristinsdóttur. Það á að minna okkur á að ef við setjum okkur raunhæf markmið, tökum eitt skref í einu og vöndum okkur þá komumst við þangað sem við ætlum okkur.

Uppeldi til ábyrgðar miðar að því að ýta undir ábyrgðarkennd og sjálfstjórn barna og unglinga og þjálfa þau í að ræða um tilfinningar og átta sig á þörfum sínum. Vinnuaðferðunum er einnig ætlað að styðja starfsmenn skóla við að móta sér skýra stefnu varðandi samskipti og agamál. Öðru fremur er um að ræða aðferðir við að kenna sjálfstjórn og sjálfsaga og styrkja einstaklinga í því að læra af mistökum sínum. Hugmyndafræðin hefur áhrif á kennsluhætti, stjórnunarhætti, áherslur í lífsleiknikennslu og ekki síst á meðferð agamála. Segja má að breyting verði á kenniviðmiðum (paradigm) skólasamfélagsins varðandi samskipti og aga. Hugmyndafræði uppeldis til ábyrgðar byggist á því að einstaklingurinn geti tekið sjálfstæðar, siðferðilegar ákvarðanir varðandi eigin hegðun þegar hann er laus undan skömmum, hótunum, sektarkennd eða væntingum og loforðum um umbun og að hann fái tækifæri til að meta lífsgildi sín. Markmiðið er að styrkja einstaklinginn í að vera sá sem hann vill vera með hliðsjón af eigin sannfæringu frekar en að stjórnast út frá geðþótta annarra. Námskeiðið sem kennt verður er svokallað 3B sem gefur yfirsýn yfir það hvernig kennt er í uppbyggingarstefnunni og kenningar í hópstjórn inni í kennslustofunni. (gæðaveröld, grunnþarfir, hvernig persóna vil ég vera, gildi ( bekkjarsamningurinn), hegðunarvagninn, heilinn os.frv.) Skoðaðir verða Ýmsir bæklingar, borðspil söngbók o.fl. Námskeiðið er haldið í samstarfi við Dalvíkurbyggð og samtök um uppbyggingarstefnuna á Íslandi. Lengd: 6 klukkustundir Kennari: Cindy Brown, þjálfari í uppbyggingarstefnunni frá Manitoba, Kanada. Hvar: Menningarhúsinu Bergi, Dalvík. Hvenær: 15. ágúst kl. 10:00-17:00 Verð: 9.000 kr. Munið eftir styrkjum stéttarfélaga og starfsmenntasjóða Nánari upplýsingar veitir Helgi Þ. Svavarsson (helgis(hjá)simey.is)

Langar þig að styrkja stöðu þína og bæta við þig þekkingu? Þá er tilvalið að skoða námsframboð SÍMEY og ræða við náms- og starfsráðgjafa. Hafðu samband við okkur í síma 460-5720

Virk starfsþróun starfsmanna: forsendur og leiðir

Virk starfsþróun starfsmanna: forsendur og leiðir